រដូវច្រូតកាត់

សន្ធិយារាត្រីពេលព្រលប់              យប់ងងឹតស្លុប ផ្កាយព្រោងព្រាត
កសិករចូលភូមិជួបជុំញាតិ            គេឆ្លៀតសាកសួរ យកវេនគ្នា។

លឺមាត់រចចគ្រប់កន្លែង           
អញឯងអឺអើ ស្នើវេលា
មាន់រងាវកុះ ចុះដាក់គ្នា                 ក្រោកឡើងម្នីម្នា ទាំងប្រុសស្រី។

កណ្ដៀវមួយម្នាក់ស្ងាបញីភ្នែក     ខ្លះពន់ខ្លះរែក ដើរទៅខ្មី
ខោអាវខ្មៅៗទាំងប្រុសស្រី           ច្រូតកាត់ស្រូវថ្មី យ៉ាងសប្បាយ។

អរុណរះចាំងលើស្រូវទុំ                មើលដូចកញ្ចុំមាសឆើតឆាយ
លឺតែសំណើច សាចក្អាកក្អាយ   ព្រះពាយផាត់ផាយកាយកសិករ។

ប្រជាចំរៀងច្រៀងឆ្លើយឆ្លង        ប្អូនបងមារមីងជួយបន្ទរ
មាត់ច្រៀងដៃច្រូតកណ្ដាប់គរ     យូរៗគេឈរបង្កូកខ្យល់៕