ខំដាំ

   

នាំមនុស្សដើរផ្លូវត្រូវ                           ដូចរែកថ្មឡើងដើមត្នោត
អូសហុបឡើងច្រាំងចោត                  បទពិសោធន៏ពិបាកណាស់។

បើចង់បានផ្លែផ្កា                                 រុក្ខផល្លាអាចរហ័ស
ដប់ឆ្នាំឃើញផលច្បាស់                     ផ្លែខ្ចីចាស់ ទុំបេះបាន។

រីផលអំពើល្អ                                       ក្ដឹបហើយជ្រុះចុះចាកឋាន
មិនងាយទុំបេះបាន                            ត្រូវតឹងតាន ច្រើនសិបឆ្នាំ។

ដូច្នេះ ត្រូវខិតខំ                                  ប្រឹងសន្សំជាប្រចាំ
អប់រំច្រើនសិបឆ្នាំ                               ព្យាយាមដាំទើបសំរេច៕

(ពេជ្រ ទុំក្រវ៉ិល)